CLASE 2, SEMANA 4-10 MAIO: POSESIVOS, NUMERAIS.

Posesivos e Numerais: 

• Corrección do cuestionario-Teoría, pp. 17-19 do documento Morfoloxía-Teoría, nesta ligazón.

• Actividades, documento Morfoloxía-Actividades, Facede o exercicio 1, p. 75 (as 10 primeiras); exercicio 1,  p. 77 (as catro primeiras); exercicio 2, p. 78 (as 10 primeiras).

Na terceira sesión da semana veremos os indefinidos e os relativos (cuestionario-teoría) e marcaremos actividades.

CLASE 1, SEMANA 4-10 MAIO. MORFOLOXÍA: DEMOSTRATIVOS, POSESIVOS, NUMERAIS.

Bos días.

Demostrativos. Corrección das actividades nesta ligazón.

Posesivos e numerais. Cuestionario-Teoría: PP. 17-19 do documento Morfoloxía-Teoría. Contesta esta cuestións:

Posesivos:

1. Cales son as formas do posesivo?
2. Que é o posesivo de respecto. Cando se usa?
3. Cales son os usos e valores especiais dos posesivos? Exemplos.
4. Uso de artigo ante posesivo. Cales son as excepcións?

Numerais:

1. Cando funcionan os numerais como determinante (adxectivo determinativo)? E como núcleo (pronomes)?
2. Os cardinais escríbense todos separados, agás as formas dos "centos": Escribe 13.456. 
3. Que preposicións contraen coas formas un, unha? Hai algunha restrición?
4. Que substantivos están emparentados cos numerais, pero non son numerais?

Na próxima sesión corrixiremos (titorial) o cuestionario-teoría de posesivos e numerais e marcaremos actividades.

Ata logo.

CLASE 2: SEMANA 27 ABRIL - 3 MAIO: MORFOLOXÍA (DEMOSTRATIVO)

Bos días.

Demostrativo. Corrección do cuestionario-teoría da entrada anterior neste enlace. 

Vid. Morfoloxía-Teoría, páx. 16.

Actividades do demostrativo: Morfoloxía: Actividades, 2 e 3 das pp. 74-75. Na 2 (páx. 74) facedes do 1 ao 5 e do 12 ao 25. Na 3 indicades se o demostrativo é adxectivo determinativo (AD) (equivale a determinante) ou pronome (equivale a núcleo).

Se tedes dúbidas ao responder estas cuestións, mandade unha mensaxe por WhatsApp.

Recordo unha vez máis a necesidade de organizar o material.

Na próxima sesión, corrixiremos as actividades do demostrativo e comezaremos co posesivo. Pero iso será a semana do 4 a 10 de maio.

Temos marcada unha videoconferencia con 1º C hoxe, martes, ás 13.20. Non recibín resposta de 1ºA. Sabedes que o venres é festivo.

Ata logo. 

CLASE 1, SEMANA 27 ABRIL - 3 MAIO: MORFOLOXÍA (ARTIGO E DEMOSTRATIVO)

Bos días.

Artigo. Corrección do cuestionario da entrada anterior neste enlace. Tede a man o documento Morfoloxía-Teoría, pp. 9-10. Se tedes dúbidas, facédemo saber a través do grupo de WhatsApp.

Actividades para a próxima clase, do documento Morfoloxía: Actividades, exercicio 2, páx. 63: Uso de artigo con topónimos. Non tedes que escribir todo o exercicio (as solucións están na mesma páxina 63), pero si probar con cada topónimo deste xeito: primeiro, poñedes o artigo, a ver como "soa":

• Italia. Onde vai el? Vai *na Italia. Xa vedes que soa mal. Sería Vai en Italia,
• Arxentina.  Onde vai el? Vai na Arxentina. Soa ben, é correcto.

Prestade especial atención ás formas subliñadas no cadro das solucións. 

Demostrativo. Deixamos de momento o pronome persoal (pp. 11-15) e pasamos ao demostrativo (páx. 16). Responde no teu caderno, ou no ordenador, as seguintes cuestións sobre o demostrativo. Para iso, tes que ir mirando, por orde, este documento: Morfoloxía-Teoría, páx. 16.  Non convén copiar e pegar: se facedes iso, non asimilades os conceptos.

1. Os demostrativos poden funcionar como determinantes ou como núcleo nun sintagma nominal. En que casofuncionan como DET e en que caso funcionan como N.
2. Como contraen os demostrativos co indefinido outro?
3. Como contraen os demostrativos coas preposicións de, en?
4. Explica os usos e valores especiais dos demostrativos e achega un exemplo de cada.

Se tedes dúbidas ao responder estas cuestións, mandade unha mensaxe por WhatsApp.

Recordo unha vez máis a necesidade de organizar o material.

Na próxima sesión, corrixiremos o cuestionario (teoría) do demostrativo e marcaremos actividades.

Ata logo.

CLASE 3, SEMANA 20-26. MORFOLOXÍA: ADXECTIVO (P), ARTIGO (T)

Bos días.

Corrección das actividades sobre o Adxectivo (entrada anterior) neste enlace. Se tedes dúbidas, facédemo saber a través do grupo de WhatsApp.

O artigo. Responde no teu caderno, ou no ordenador, as seguintes cuestións sobre o artigo. Para iso, tes que ir mirando, por orde, este documento: Morfoloxía-Teoría, pp. 9 e 10. Non convén copiar e pegar: se facedes iso, non asimilades os conceptos.

1. Cando é obrigatorio o uso da 2ª forma do artigo?
2. Explica o uso do arcaísmo EL.
3. Explica o uso de artigo con nomes propios.
4. Explica o uso de artigo ante posesivo.
5. Contraccións do artigo (por condena): por, con, de, en, a.

Se tedes dúbidas ao responder estas cuestións, mandade unha mensaxe por WhatsApp.

Recordo unha vez máis a necesidade de organizar o material.

Encontro por videoconferencia. Xoves, ás 11.00 para 1ºC, e venres ás 13.20 para 1ºA. O encontro é voluntario (as correccións tédelas), pero é mellor facelo para resolver dúbidas.

Ata logo.

CLASE 2, SEMANA 20-26. MORFOLOXÍA: ADXECTIVO (P), ARTIGO (T)

Bos días.

O audio coa corrección de "Adxectivo: Cuestións teoría" está neste enlace.

Actividades do adxectivo: pp. 58-61, 1, 2, 3 (10 primeiras), 4 (2 primeiras), 5 (primeira columna).

Ata logo.

CLASE 1, SEMANA 20-26. MORFOLOXÍA: SUBSTANTIVO (P) E ADXECTIVO (T)

Bos días.

Corrección das actividades sobre o substantivo (entrada anterior) neste enlace. Se tedes dúbidas, facédemo saber a través do grupo de WhatsApp.

O adxectivo. Responde no teu caderno, ou no ordenador, as seguintes cuestións sobre o adxectivo. Para iso, tes que ir mirando, por orde, este documento: Morfoloxía-Teoría, pp. 7 e 8. Non convén copiar e pegar: se facedes iso, non asimilades os conceptos.

1. Diferenza entre adxectivo explicativo e especificativo. Exemplos.
2. Como se comportan os morfemas de xénero e número no adxectivo? Diferencia estres 3 tipos: loiro / doce / medicas.
3. Cales son os procedementos de gradación do adxectivo?
4. Cando se usa como / coma?
5. Cando se usa ca / (do) que?
6. Escribe o comparativo e superlativo sintético de grande, pequeno, bo, malo, alto e baixo.

Se tedes dúbidas ao responder estas cuestións, mandade unha mensaxe por WhatsApp.

Recordo unha vez máis a necesidade de organizar o material.

Esta semana teremos unha videoconferencia (cada clase por separado). Xa vos avisarei do día e hora. Nela:

1. Trataremos dúbidas sobre a materia.
2. Intentarei explicarvos como están as cousas -a día de hoxe- para avaliar o 3º trimestre, despois da publicación das Orientacións provisionais do 17 de abril para o desenvolvemento do terceiro trimestre do curso 2019/2020 (Á espera da publicación da normativa estatal correspondente).

Na próxima sesión marcarei actividades sobre o adxectivo e comezaremos co artigo.

Ata logo.